Мадриднинг “Реал” клуби ярим ҳимоячиси Лука Модрич “Атлетико”га қарши Чемпионлар лигаси 1/8 финал жавоб ўйинида асосий таркибда майдонга тушди.
Хорватиялик футболчи 39 ёшини нишонлаганидан бери энг нуфузли еврокубок турниридаги 12-ўйинини ўтказди.
Шу тариқа, ярим ҳимоячи турнирнинг янги рекордчисига айланди: 39 ва ундан катта ёшдаги бошқа ҳеч бир ўйинчи бунчалик кўп ўйинларда қатнашмаган.
Олдинги рекордчилар португалиялик Пепе ва шотландиялик Дэвид Уэйр эди – ҳар бири 39 ёшдан кейин 11 та ўйин ўтказган.
