Madridning “Real” klubi yarim himoyachisi Luka Modrich “Atletiko”ga qarshi Chempionlar ligasi 1/8 final javob o‘yinida asosiy tarkibda maydonga tushdi.

Xorvatiyalik futbolchi 39 yoshini nishonlaganidan beri eng nufuzli yevrokubok turniridagi 12-o‘yinini o‘tkazdi.

Shu tariqa, yarim himoyachi turnirning yangi rekordchisiga aylandi: 39 va undan katta yoshdagi boshqa hech bir o‘yinchi bunchalik ko‘p o‘yinlarda qatnashmagan.

Oldingi rekordchilar portugaliyalik Pepe va shotlandiyalik Devid Ueyr edi – har biri 39 yoshdan keyin 11 ta o‘yin o‘tkazgan.