Ҳужумчи Тэмми Абрахам дўстларига келаси ёзда "Астон Вилла"га қайтишни истаётганини айтди.
Бу ҳақда Football Insider ўз манбаларига таяниб хабар бермоқда.
Абрахам ҳозирда "Милан"да ижара асосида ўйнамоқда. 27 ёшли форварднинг ҳуқуқлари Италия А сериясининг бошқа бир клуби “Рома”га тегишли.
Тэмми Абрахам 2018/2019-йилги мавсумда “Астон Вилла”да ижара асосида ўйнаган.
Ўшанда ҳужумчи 40 та расмий ўйин ўтказиб, ўз ҳисобига 26 та гол урган ва жамоадошларига 3 та голли узатма берган.













