"Манчестер Юнайтед" дарвозабон изламоқда ва Ян Облакни келаси мавсум учун асосий трансфер устуворлиги сифатида белгилади. Ўтмишдаги бир нечта муваффақиятсиз уринишлардан сўнг, инглиз клуби словенияликнинг "Атлетико Мадрид"даги ҳолатидан фойдаланиб, унинг трансферини якунлашга қарор қилди.
Словенияликнинг "Атлетико" билан шартномаси 2028 йилгача амалда бўлишига қарамай, мадридликлар раҳбарияти тегишли молиявий товон пули олса, унинг трансферига халақит бермайди. Хабарларга кўра, келишувнинг минимал нархи 30 миллион евро, бу эса "Юнайтед" учун мақбул миқдор.
Жорий мавсумда 32 ёшли дарвозабон “Атлетико” сафида барча турнирлар доирасида 36 та ўйин ўтказиб, 32 та гол ўтказиб юборган ва 14 марта ўз дарвозаси дахлсизлигини сақлаб қолган.
