"Ливерпуль" бош мураббийи Арне Слот мерсисайдликлар ҳимоячиси ва сардори Виржил ван Дейкнинг жамоадаги келажаги ҳақида гапирди. Эслатиб ўтамиз, футболчининг клуб билан шартномаси 2025 йилнинг 30 июнида якунига етади.
"Нима дейишимни ҳам билмайман... Айтмоқчи бўлган ягона гапим - келаси мавсум ҳам шу ерда қолишини истайман. Мен бу саволлар ва миш-мишлар билан шуғулланмайман," - дея мутахассиснинг сўзларини келтиради журналист Фабрицио Романо.
Эслатиб ўтамиз, ван Дейк "Ливерпуль"га 2018 йилда "Саутгемптон"дан кўчиб ўтган эди. Бу вақт ичида у "қизиллар" таркибида клуб миқёсида барча турдаги унвонларни қўлга киритди.













