"Сантос" ҳужумчиси Неймар март ойидаги ўйинлар учун Бразилия терма жамоасидан четлатилганига изоҳ берди. У жароҳат сабаб йиғинда қатнаша олмайди.
"Қайтиш яқинлашгандек туюлди, аммо афсуски, ҳозир дунёдаги энг оғир футболкани киёлмайман! Биз узоқ суҳбатлашдик ва мен қайтишни қанчалик хоҳлаганимни ҳамма билади, аммо биз муросага келдик ва таваккал қилмасликка ва жароҳатдан бутунлай қутулиш учун яхшироқ тайёргарлик кўришга қарор қилдик! Бу жараённинг бир қисми. Қўллаб-қувватлаш хабарларини юборган барчага раҳмат," - деб ёзди Неймар ижтимоий тармоқда.
