"Бавария" ёзда камида битта вингерни ўз сафига қўшиб олади, дея хабар бермоқда журналист Флориан Плеттенберг.
Манбага кўра, клуб бир неча вариантларни кўриб чиқмоқда. Улар орасида "Боруссия" Дортмунддан Жейми Гиттенс ва "Атлетик"дан Нико Уильямс устувор номзодлар бўлиб қолмоқда. "Бавария"нинг курашга қанчалик жиддий киришиши кўп жиҳатдан нархга боғлиқ бўлади, чунки клубнинг асосий мақсади Флориан Вирц бўлиб қолмоқда.
Қайд этилишича, мюнхенликлар яна Райан Шеркини кузатишда давом этмоқда ва январь ойидаёқ унинг келажакдаги режалари ҳақида барча керакли маълумотларни тўплаган.













