Килиан Мбаппе "Реал"нинг сафар ўйинида 6 дақиқа ичида дублга эришди.

"Вильярреал" Ла Лиганинг 28-турида "Реал"ни қабул қилмоқда (1:2, танаффус).

Франция терма жамоасининг 26 ёшли форварди 17 ва 23-дақиқаларда гол уриб, "қаймоқранглилар"ни ҳисобда олдинга олиб чиқди.

Мбаппе барча мусобақалардаги 44-ўйинида "Реал" сафидаги 30 ва 31-голларини урди. Шунингдек, унинг ҳисобида 5 та ассист мавжуд.

Эслатиб ўтамиз, Килиан Ла Лиганинг 26-турида 19 ва 20-голларини урди. У тўпурарлар пойгасида "Барселона" футболчиси Роберт Левандовскидан бир тўпга ортда қолмоқда.