"Тоттенхэм" ва Англия терма жамоасининг собиқ ярим ҳимоячиси Деле Алли Италия А Сериясининг 29-турида "Милан"га (1:2) қарши ўйинда "Комо" сафида дебют қилди.
28 ёшли инглиз 81-дақиқада захирадан майдонга тушди, орадан 10 дақиқа ўтар-ўтмас Алли ҳамюрти Рубен Лофтус-Чикка нисбатан ишлатган қўполлиги учун қизил карточка олди.
Алли январь ойида "Комо" билан шартнома имзолаган. Бунгача у сўнгги бор 2023 йилнинг февраль ойида "Бешиктош" сафида майдонга тушганди. Бунгача ярим ҳимоячи "Эвертон" ва "Тоттенхэм" клубларида ҳам ўйнаган.













