"Реал" бош мураббийи Карло Анчелотти сафарда "Вильярреал" устидан қозонилган иродали ғалабадан сўнг (2:1) ўз фикрларини билдириб ўтди.
"Қаймоқранглилар" сафидаги иккала голга ҳам ҳужумчи Килиан Мбаппе муаллифлик қилди.
"Мен ўз футболчиларим билан жуда фахрланаман, чунки бу дам олиш учун вақт етишмаслиги, шунингдек, рақибнинг кучи туфайли қийин ўйин бўлди - "Вильярреал" жуда яхши ўйнамоқда. Биз ўзимизни жисмонан қўлга олдик. Иккинчи бўлимда жамоа ҳолдан тойди, лекин буни тахмин қилиш мумкин эди. Бу ғалаба жамоа ва ушбу таркиб қандай фазилатларга эга эканлиги ҳақида кўп нарсани англатади," - деди Анчелотти журналистларга.
