Кристиан Пулишич мавсумдаги 15-голини урди.
"Милан" ҳужумкор ярим ҳимоячиси А Серия 29-туридан ўрин олган "Комо"га (2:1) қарши уй учрашувида ҳисобни тенглаштирди.
АҚШ терма жамоасининг 26 ёшли хавбеки 38 та ўйинда 15 та гол уриб, "россонерилар"нинг жорий мавсумдаги барча мусобақалардаги тўпурарлари рўйхатида етакчилик қилмоқда. Тиджани Рейндерс ҳисобида 12 та гол бор. Шунингдек, Кристиан ҳисобида 7 та ассист мавжуд.
Ўтган мавсумда Пулишич 50 та ўйинда 15 та гол урган. "Боруссия" Дортмунд ва "Челси"да бир мавсумдан ортиқ ўйнаган хавбек ҳеч қачон рақиб дарвозасини бунчалик кўп ишғол қилмаган.
