"Ливерпуль" жорий мавсумда 4 та совриндан 3 тасини қўлга киритиш имкониятини йўқотди.
Арне Слот жамоаси Англия Лига кубоги финалида "Ньюкасл"га имкониятни бой берди (0:2).
9 февраль куни мерсисайдликлар Англия кубогида "Плимут"га ютқазиб (0:1), мусобақани тарк этишди. Шунингдек, "Ливерпуль" икки ўйиндан иборат қарама-қаршиликда (0:1, 1:0, пенальти - 1:4) "ПСЖ"га имкониятни бой бериб, Чемпионлар Лигасини тарк этди.
Шу тариқа, "Ливерпуль" фақат АПЛдаги иштирокини давом эттиради. Англия чемпионатида "қизиллар" 29 турдан сўнг "Арсенал" билан 12 очколик фарқ билан пешқадамлик қилмоқда.
