"Ювентус"нинг машҳур собиқ футболчиси Алессандро Дель Пьеро жамоанинг "Фиорентина"га қарши ўйиндаги мағлубиятидан кейин ўз фикрини билдирди.
Тьяго Мотта жамоаси Флоренцияда йирик ҳисобда ютқазди - 0:3. Бир ҳафта олдин "Бьянконерилар" ўз майдонида "Аталанта"га 0:4 ҳисобида енгилганди.
"Мен каби ҳис-туйғуларга берилиб кетган одам бўла туриб, бундай пайтда бирор нарса дейиш қийин. Муаммоларнинг энг кўрсаткичли белгиси - жамоанинг реакцияси йўқлиги. Бу "Ювентус"нинг ҳозирги ҳолатини акс эттиради ва клуб руҳига тўғри келмайди. Сиз 0:3 ҳисобида ютқазяпсиз, аммо мураббий захирадан учта ҳимоячи туширмоқда - буни тушуниб бўлмайди," - деди Дель Пьеро интервьюда.
