Франция чемпионатида 26-тур ўйинлари бўлиб ўтди, унинг марказий баҳси "ПСЖ" ва "Марсель" ўртасида бўлди. Унда парижликлар рақибини 3:1 ҳисобида мағлубиятга учратди.

"ПСЖ" футболчиси Фабиан Руис учун бу ўз клуби сафида чемпионатдаги кетма-кет қирқ саккизинчи ўйин бўлди ва у бу ўйинда мағлубиятга учрамади. Бу даврда "ПСЖ"да муваффақиятсизликлар бўлди, аммо бу фақат Руис майдонга тушмаган кунларда содир бўлди.

Шу тариқа, Фабиан бразилиялик Маркиньосга тегишли бўлган ва 2014 йилнинг май ойидан 2016 йилнинг мартигача ўрнатилган клуб тарихидаги энг узоқ давом этган серияни тенглаштирди.

Яна бир ўйин - ва Руис рекорднинг ягона эгасига айланади. "ПСЖ" навбатдаги учрашувда "Сент-Этьен" меҳмони бўлади.