Марк Касадо мавсумнинг қолган қисмини ўтказиб юбориши эҳтимоли бор.
"Барселона" яримҳимоячиси "Атлетико"га қарши ўйиннинг 67-дақиқасида Антуан Гризманн билан тўқнашиб, жароҳатланиб олди. У шу дақиқада алмаштирилди.
21 ёшли футболчи Миллатлар Лигаси чорак финалида Нидерландияга қарши ўйин учун Испания терма жамоаси таркибидан чиқариб ташланди. Унинг ўрнига "Байер"дан Алеш Гарсия чақирилди
Marca нашри маълумотига кўра, Касадонинг тизза бойлами узилган бўлиши мумкин. Яримҳимоячи тахминан икки ой майдонга тушмаслиги ва бу мавсумда бошқа ўйнамаслиги эҳтимоли бор. Клуб қўшимча текширувлар ўтказади.
