Нидерландия Қироллик футбол ассоциацияси ҳимоячи Дензел Дюмфриснинг март ойидаги йиғин учун терма жамоадан четлатилганини эълон қилди. Якшанба куни 28 ёшли футболчи Италия чемпионати доирасидаги “Аталанта”га қарши ўйинда жароҳат олган эди.
Текширувлар шуни кўрсатдики, Дюмфрис яқинлашиб келаётган икки ўйинда "апельсинлар"га ёрдам бера олмайди. Нидерландия терма жамоасини Испанияга қарши Миллатлар лигаси чорак финалида иккита учрашув кутиб турибди.













