"Интер Майами" ҳужумчиси Лионель Месси жароҳат туфайли яна сафдан чиқди. Аввал хабар берганимиздек, 37 ёшли футболчи жароҳати сабаб Аргентина терма жамоасининг март ойидаги йиғинини ўтказиб юборади.
Журналист Хосе Армандонинг янгиланган маълумотларига кўра, юлдуз ҳужумчи соннинг яқинлаштирувчи мушаклари шикастланган - ташхис душанба куни ўтказилган текширувлар натижасида тасдиқланган. Қайта тиклаш муддатлари ҳали ошкор этилмаган.
Лионель Месси жорий мавсум "Интер Майами" сафида 5 та учрашувда 4 та гол ва 2 та ассистни ўз ҳисобига ёздириб қўйди.
