"Барселона" вингери Рафинья Диас 27 март куни бўлиб ўтадиган "Осасуна"га қарши ўйинни ўтказиб юбориши мумкин.
Каталония клуби шифокорининг вафоти туфайли ўйин қолдирилганди. "Барселона" вакиллари ўйинни май ойида ўтказишни маъқул кўришди, аммо Ла Лига бошқача қарор қабул қилди - учрашув 27 март куни бўлиб ўтиши керак, аммо у вақтда баъзи футболчилар терма жамоалар ихтиёрида бўлади. Бундай футболчилар орасида Бразилия терма жамоасига чақирилган Рафинья ҳам бўлиши мумкин.
Diario Sport'нинг қайд этишича, 28 ёшли футболчи ЖЧ-2026 саралашидан ўрин олган Колумбияга (21 март) қарши ўйинда сариқ карточка олса, "кўк-анорранглилар" сафида "Осасуна"га қарши ўйингача сафга қайтишга улгуради. Бундай ҳолда, вингер дисквалификация туфайли Аргентинага қарши ўйнай олмайди (26 март), аммо "Барса"нинг қолдирилган ўйинида иштирок этиши мумкин бўлади.
