Леверкузеннинг "Байер" клуби ва Нидерландия терма жамоаси аъзоси Жереми Фримпонг Англия Премьер-лигасининг топ-клубида ўйнаш имкониятига эга. Бу ҳақда Bild журналистлари хабар бермоқда.
Манбага маълум бўлишича, нидерландиялик футболчини "Ливерпуль" ўз сафига қўшиб олмоқчи. Фримпонг "қизиллар" бош мураббийи Арне Слот билан доимий алоқада бўлиб турибди. Футболчининг бозор нархи 40 миллион еврога баҳоланмоқда. Жеремининг "доришунослар" билан амалдаги шартномаси 2028 йилнинг ёзида якунига етади.
"Ливерпуль" сафида Фримпонг Трент Александр-Арнольд ўрнини эгаллаши мумкин. Англиялик футболчи яқин ёзда Мадриднинг "Реал" клубига ўтиши мумкин.
