"Реал" агар ФИФАнинг ўйинлар орасидаги 72 соатлик танаффус ҳақидаги тавсияси бажарилмаса, Испания чемпионати ўйинларини бойкот қилиш билан таҳдид қилмоқда. Сешанба куни Ла Лига раҳбари Хавьер Тебас шу мавзуда янги пост эълон қилди.

"14 йилдан ортиқ вақт олдин Европа кубоги ўйинлари пайшанба кунлари ўтказила бошлаганидан буён, Европанинг барча бурчакларидан келган клублар, шу жумладан испан клублари ҳам, 72 соатдан кўп дам олмаган ҳолда якшанба кунлари ўйнаб келмоқда," дея Тебас ижтимоий тармоқларда ёзди.