"Вест Хэм" бош мураббийи Грем Поттер келаси ёзда қўйиб юбормоқчи бўлган бир қанча футболчиларни аниқлаб олди.
Ўтган ёзда "Вест Хэм" катта ўзгаришларни амалга оширди, аммо шундан сўнг менежерини ўзгартирди, Хулен Лопетегининг ўрнига Поттерни олиб келди ва техник директори Тим Штайдтенни истеъфога чиқарди. Бироқ, Поттер келгунча сотиб олинган футболчиларнинг аксарияти унинг режаларига киритилмайди.
The Guardian нашри хабарига кўра, "Вест Хэм" ёзда Константинос Мавропанос, Эмерсон Палмери, Гвидо Родригес ва Никлас Фюллькруг бўйича таклифларни қабул қилади. Ҳужумчи Данни Ингс Поттерга ёқмайди ва унинг мавсум охирида тугайдиган шартномаси узайтирилмайди.
Шунингдек, "Вест Хэм" ҳозирда "болғачилар" сафида ижара асосида ўйнаётган Карлос Солер ва Эван Фергюсонни сотиб олишни режалаштирмаяпти.
