Мадриднинг "Реал" клуби собиқ ҳужумчиси Хоселу собиқ жамоадоши Даниэл Карвахаль ҳақида фикр билдирди.
"Қаймоқранглилар"нинг ўнг қанот ҳимоячиси хочсимон пайидан олган жароҳати туфайли октябрь ойи бошидан бери майдонга тушмаяпти. 33 ёшли футболчининг сафга қайтиши ёзга режалаштирилган.
"Карвахаль ҳақиқий ҳайвон, қайсар ҳўкиз. Жарроҳлик амалиётидан икки кун ўтиб, у майдонга қайтиш ҳақида ўйлай бошлаганди," - дея Қатарнинг "Ал-Гарафа" клуби шарафини ҳимоя қилаётган Хоселунинг сўзларини келтиради Madrid Universal.
