Испания терма жамоаси бош мураббийи Луис де ла Фуэнте 17 ёшли Ламин Ямал ҳақидаги саволга жавоб берди.
"Барселона"нинг ёш вингери Миллатлар лигаси чорак финалида Нидерландия терма жамоаси билан икки марта ўйнайдиган "қизил фурия" қайдномасига таклиф қилинди.
"Ламин Ямалнинг дам олиши? Яхши футболчилар доим ўйнашади. Бундай ўйинчисиз қийин. Унинг буюк бўлиши учун ҳамма нарса етарли. Ламин атиги 17 ёшда, ҳозир унга осон эмас, лекин биз уни қўллаб-қувватлаймиз. Келажакда, агар жароҳатлар Ямални четлаб ўтса, у ҳақида афсонавий футболчи сифатида гапирамиз," - деди де ла Фуэнте матбуот анжуманида.
