Машҳур собиқ дарвозабон Жанлуижи Буффон Италия терма жамоасидаги вазият ҳақида қандай фикрда эканини айтди.
Лучано Спаллетти жамоаси Миллатлар лигаси чорак финалида Германияга қарши баҳс олиб боради. Ўйинлар 20 ва 23 март кунларига белгиланган.
"Ҳозирги Италия терма жамоаси жуда рақобатбардош таркибга эга, Спаллетти эса ақлли ва харизматик мураббий.
Евро-2024ни эсласак, ўзимизга бўлган ишончимизга Испанияга қарши ўйиндаги мағлубият жиддий путур етказди - яхшироқ ўйнай оламиз, деб ўйлагандик. Лекин ишончим комилки, иш таркибнинг сифати билан боғлиқ бўлмаган.
Ҳозир жамоа яна ўзига ишонч ҳосил қилмоқда. Энди сўнгги ярим йил ичида қилинган ишларни энг кучли рақиблардан бирига қарши ўйинларда мустаҳкамлашимиз керак. Мен Германияни мағлуб этишимиз шарт демоқчи эмасман, лекин биз у билан 180 дақиқа давомида тенгма-тенг курашишимиз керак", - деди Буффон.
