Mashhur sobiq darvozabon Janluiji Buffon Italiya terma jamoasidagi vaziyat haqida qanday fikrda ekanini aytdi.

Luchano Spalletti jamoasi Millatlar ligasi chorak finalida Germaniyaga qarshi bahs olib boradi. O‘yinlar 20 va 23 mart kunlariga belgilangan.

"Hozirgi Italiya terma jamoasi juda raqobatbardosh tarkibga ega, Spalletti esa aqlli va xarizmatik murabbiy.

Yevro-2024ni eslasak, o‘zimizga bo‘lgan ishonchimizga Ispaniyaga qarshi o‘yindagi mag‘lubiyat jiddiy putur yetkazdi - yaxshiroq o‘ynay olamiz, deb o‘ylagandik. Lekin ishonchim komilki, ish tarkibning sifati bilan bog‘liq bo‘lmagan.

Hozir jamoa yana o‘ziga ishonch hosil qilmoqda. Endi so‘nggi yarim yil ichida qilingan ishlarni eng kuchli raqiblardan biriga qarshi o‘yinlarda mustahkamlashimiz kerak. Men Germaniyani mag‘lub etishimiz shart demoqchi emasman, lekin biz u bilan 180 daqiqa davomida tengma-teng kurashishimiz kerak", - dedi Buffon.