Испания терма жамоаси бош мураббийи Луис де ла Фуэнте УЕФА Миллатлар лигаси чорак финалининг Нидерландия терма жамоасига қарши сафардаги илк учрашувидан сўнг (2:2) ўйин давомида жамоаси сезиларли устунликка эришиши мумкинлигини таъкидлади.

"Моратанинг боши билан зарбасидан кейин имконият пайдо бўлди, биз иккита гол уришимиз мумкин эди. Аммо баъзида биз вазиятни назорат қила оламиз, баъзида эса қила олмаймиз. Бу қийин плей-офф ва Валенсияда биз учун осон бўлмайди" - деди де ла Фуэнте ўйиндан кейинги матбуот анжуманида.

Нидерландия – Испания учрашувининг 9-дақиқасида меҳмонлар ярим ҳимоячиси Нико Уильямс ҳисобни очди. 28-дақиқада Коди Гакпо, 46-дақиқада Тейани Рейндарс "апельсинлар"ни ҳисобда олдинга олиб чиқишди. Мезбонлар ҳимоячиси Йоррел Хато четлатилганидан сўнг, испанлар 90+3-дақиқада Микел Меринонинг голи эвазига ҳисобни тенглаштиришга муваффақ бўлишди. Жавоб ўйини 23 март куни Валенсияда бўлиб ўтади.