"Ливерпуль" "Борнмут"нинг чап қанот ҳимоячиси Милош Керкезни сотиб олишга яқин турибди.
Ҳимоянинг чап томонини кучайтириш "Ливерпул"нинг ёзги трансфер ойнасидаги устувор вазифаларидан бири, Энди Робертсон мукаммал кўринмаяпти, миш-мишларга кўра, Костас Цимикас ўйин амалоёти етишмагани учун жамоани тарк этишни ўйлаяпти.
I Sport нашри хабарига кўра, "Ливерпуль" аллақачон 21 ёшли Керкез билан алоқа ўрнатган ва "Борнмут" билан ҳам музокараларга киришган.
"Ливерпуль" ҳали венгриялик футболчи учун таклиф киритгани йўқ, бироқ манбанинг таъкидлашича, тахминан 40 миллион фунт стерлинглик шартнома яқин.
"Ливерпуль" бошқа клублар билан рақобатдан қочиш учун Керкез билан шартнома имзолашга тезда рози бўлишга қарор қилди.
