"Ливерпуль" ҳужумчиси Муҳаммад Салоҳ клуб билан янги шартнома борасида музокараларни давом эттирмоқда. Мисрлик футболчининг амалдаги шартномаси келаси ёзда якунига етади.
Инсайдер Дэвид Орнштейннинг янгиланган маълумотларига кўра, "қизиллар" раҳбарияти ижобий фикрда ва юлдузни шартномасини узайтиришга кўндира олишига ишончи комил.
32 ёшли футболчининг ўзи ҳам режаларини ўзгартирмади: у "Ливерпул"да бахтли ва қолишни афзал кўради. Бироқ томонлар келишувнинг молиявий масалаларини ҳали ҳал қилмаган.
Манба, шунингдек, жамоанинг Чемпионлар лигаси ва лига кубогидаги сўнгги муваффақиятсизликлари Муҳаммад Салоҳнинг якуний қарорига таъсир ўтказмаслигини ҳам таъкидлайди.
