Аргентина терма жамоаси ҳужумчиси Хулиан Альварес ЖЧ-2026 саралаш босқичи доирасидаги Уругвайга қарши ўйиндаги минимал муваффақияти ҳақида гапирди. Унда амалдаги жаҳон чемпионлари 1:0 ҳисобида ғалаба қозонди.
"Биз ишлашда давом этишимиз ва жамоавий жиҳатдан ўсишимиз керак. Биз муҳим уч очкони қўлга киритдик, қадам-бақадам ҳаракат қиламиз. Ўйинни айнан шундай гол билан бошлаш керак," - дея ҳужумчининг сўзларини келтиради "альбиселесте" матбуот хизмати.
Кейинги баҳсда Аргентина терма жамоаси Бразилия терма жамоасига қарши майдонга тушади. Айни дамда Лионель Скалони шогирдлари 28 очко билан мусобақа жадвалида пешқадамлик қилмоқда.
