Украина терма жамоаси ва "Челси"нинг ҳужумкор ярим ҳимоячиси Михаил Мудрик мусбат допинг-синамаси учун узоқ муддатга дисквалификация қилинмаса, фаолиятини Испания чемпионатида давом эттириши мумкин.

Sport.es хабарига кўра, Мудрикнинг хизматларига "Севилья" қизиқиш билдирмоқда. Андалусияликлар украиналик футболчини ижарага олиши мумкин. Футболчининг ўзи карьерасини давом эттиришнинг бундай вариантига ижобий қарайди.

Михаил 2023 йилнинг январида Лондоннинг топ-клубига ўтганди. Футболчи ва "кўклар" ўртасидаги амалдаги меҳнат шартномаси 2031 йилнинг ярмигача тузилган.