Роберто Манчини тез орада Тьяго Мотта ўрнига "Ювентус"ни қабул қилишга рози. La Gazzetta dello Sport нашри ўз саҳифаларида маълум қилишича, Турин клуби А Сериянинг "Женоа"га қарши ўйинидан кейин бош мураббийни алмаштириши мумкин.
Манбага кўра, Манчини "Ювентус" Чемпионлар лигасига чиқса, узайтириш имконияти билан мавсум охиригача мўлжалланган шартнома имзолашга тайёр. Айни вақтда "кекса синьора" А Серия турнир жадвалида тўртинчи ўриндаги "Болонья"дан атиги бир очко ортда қолган ҳолда бешинчи ўринда бормоқда.
60 ёшли Роберто Манчини Саудия Арабистони терма жамоаси бош мураббийлигидан истеъфога чиқарилгач, октябрь ойи охиридан бери ишсиз юрибди.
