Франция терма жамоаси бош мураббийи Дидье Дешам Зинедин Зидан билан муносабати яхши эмаслиги ҳақидаги миш-мишларга изоҳ берди.
"Яна бир катта уйдирма! Биз кўп йилларни бирга ўтказдик. Орамизда ҳали ҳам катта ҳурмат бор. Дарвоқе, охирги марта кўришганимизда яхши суҳбатлашган эдик. Иккаламиз ҳам бир-биримизнинг ютуқларимизни тан оламиз.
Мен унинг яқин дўсти эмасман. Иккимизнинг ҳам ўз ҳаётимиз бор, аммо нима бўлишидан қатъи назар, ўртамизда ҳар доим ҳурмат бўлади," - деди Дешам Le Figaro нашрига.
Диде ЖЧ-2026дан кейин Франция терма жамоасини тарк этади. Аввалроқ Зидан унинг лавозимига асосий номзод экани хабар қилинганди.
