Fransiya terma jamoasi bosh murabbiyi Didye Desham Zinedin Zidan bilan munosabati yaxshi emasligi haqidagi mish-mishlarga izoh berdi.

"Yana bir katta uydirma! Biz ko‘p yillarni birga o‘tkazdik. Oramizda hali ham katta hurmat bor. Darvoqe, oxirgi marta ko‘rishganimizda yaxshi suhbatlashgan edik. Ikkalamiz ham bir-birimizning yutuqlarimizni tan olamiz.

Men uning yaqin do‘sti emasman. Ikkimizning ham o‘z hayotimiz bor, ammo nima bo‘lishidan qat’i nazar, o‘rtamizda har doim hurmat bo‘ladi," - dedi Desham Le Figaro nashriga.

Dide JCH-2026dan keyin Fransiya terma jamoasini tark etadi. Avvalroq Zidan uning lavozimiga asosiy nomzod ekani xabar qilingandi.