Манбаларга кўра, «Реал Мадрид» ёзги трансфер ойнасида «Борнмут» ҳимоячиси Дин Хейсен ва «Реал Сосьедад» ярим ҳимоячиси Мартин Субимендини ўз сафига қўшишни режалаштирган.

Ушбу футболчилар яқинда бўлиб ўтган Испания — Нидерландия (2:2) учрашувида ажойиб ўйин намойиш этишди. Хабарларга кўра, Хейсен учун камида 50 миллион евро тўлаш талаб этилади, Субименди эса 60 миллион еврога баҳоланмоқда.

Жорий мавсумда Дин Хейсен «Борнмут» таркибида 27 та ўйин ўтказиб, 2 та гол урган. Мартин Субименди эса «Реал Сосьедад» учун 38 та учрашувда майдонга тушиб, 2 та гол ва 2 та ассист қайд этган.