"Манчестер Юнайтед" марказий ҳужумчиси Расмус Хёйлунд жамоани тарк этиши мумкин. Gazzetta dello Sport нашри хабарига кўра, "қизил иблислар" раҳбарияти 22 ёшли даниялик футболчи учун 60 миллион евро таклиф қилинса, уни қўйиб юборишга тайёр.
Олдинроқ Хёйлундга Европанинг учта клуби қизиқиш билдираётгани, футболчининг вакиллари эса трансфер устида иш олиб бораётгани ҳақида хабар берилганди.
Жорий мавсумда форвард барча турнирларда 39 та учрашувда майдонга тушиб, 8 та гол урди ва 2 та голли узатмани амалга оширди.
Эслатиб ўтамиз, Хёйлунд 2023 йилда "Манчестер Юнайтед" футболчисига айланганди. Ҳужумчининг клуб билан шартномаси 2027/28 йилги мавсум охиригача амал қилади.
