"Manchester Yunayted" markaziy hujumchisi Rasmus Xyoylund jamoani tark etishi mumkin. Gazzetta dello Sport nashri xabariga ko‘ra, "qizil iblislar" rahbariyati 22 yoshli daniyalik futbolchi uchun 60 million yevro taklif qilinsa, uni qo‘yib yuborishga tayyor.

Oldinroq Xyoylundga Yevropaning uchta klubi qiziqish bildirayotgani, futbolchining vakillari esa transfer ustida ish olib borayotgani haqida xabar berilgandi.

Joriy mavsumda forvard barcha turnirlarda 39 ta uchrashuvda maydonga tushib, 8 ta gol urdi va 2 ta golli uzatmani amalga oshirdi.

Eslatib o‘tamiz, Xyoylund 2023 yilda "Manchester Yunayted" futbolchisiga aylangandi. Hujumchining klub bilan shartnomasi 2027/28 yilgi mavsum oxirigacha amal qiladi.