Тиаго Мотта “Ювентус” билан хайрлашди. Кеча Турин клуби 42 ёшли мутахассис бош мураббийликдан четлатилганини маълум қилди.
“Мен стрессли дақиқаларни бошдан кечирдим ва ҳар доим қатъият ва ҳар куни яхшиланиш истагини кўрсатдим.
Менга ушбу буюк клубнинг бир қисми бўлиш имкониятини бергани учун раҳбарларга, кундалик ишимда мени қўллаб-қувватлаган клуб раҳбариятига ва барча одамларга, биринчи бирга ишлаганимиздан бери кўрсатган машаққатли меҳнати ва фидойиликлари учун ўйинчиларга миннатдорчилик билдираман.
Мухлислар ва "Ювентус"га келажак учун энг яхши тилакларимни тилайман", - деди Мотта.
