Игор Тудор яқинда Тиаго Мотта ўрнига "Ювентус" бош мураббийи этиб тайинланди. Энди хорватиялик мутахассиснинг жамоада қолиши учун мавсум якунига қадар бир нечта муҳим вазифаларни бажариши керак.

Тудорнинг "Ювентус"даги бешта асосий мақсади қилиб қуйидагилар белгиланди:

1. Жамоада уйғунликни тиклаш;
2. Ўйинчиларнинг майдондаги ва майдон ташқарисидаги ролларини белгилаш;
3. Асосий ўйинчиларни таркибга қайтариш;
4. Душан Влаҳовичнинг салоҳиятини юзага чиқариш;
5. "Ювентус"ни Чемпионлар лигасига олиб чиқиш.

46 ёшли мутахассис туринликлар клуби билан жорий мавсум охиригача шартнома имзолаган, бироқ, маълум бўлишича, айнан у ёзда бўлиб ўтадиган клублар ўртасидаги жаҳон чемпионатида “бянконери”ни бошқаради.

“Ювентус” айни дамда А Сериянинг 29-туридан кейин 52 очко билан 5-ўринда бормоқда.