Igor Tudor yaqinda Tiago Motta o‘rniga "Yuventus" bosh murabbiyi etib tayinlandi. Endi xorvatiyalik mutaxassisning jamoada qolishi uchun mavsum yakuniga qadar bir nechta muhim vazifalarni bajarishi kerak.
Tudorning "Yuventus"dagi beshta asosiy maqsadi qilib quyidagilar belgilandi:
1. Jamoada uyg‘unlikni tiklash;
2. O‘yinchilarning maydondagi va maydon tashqarisidagi rollarini belgilash;
3. Asosiy o‘yinchilarni tarkibga qaytarish;
4. Dushan Vlahovichning salohiyatini yuzaga chiqarish;
5. "Yuventus"ni Chempionlar ligasiga olib chiqish.
46 yoshli mutaxassis turinliklar klubi bilan joriy mavsum oxirigacha shartnoma imzolagan, biroq, ma’lum bo‘lishicha, aynan u yozda bo‘lib o‘tadigan klublar o‘rtasidagi jahon chempionatida “byankoneri”ni boshqaradi.
“Yuventus” ayni damda A Seriyaning 29-turidan keyin 52 ochko bilan 5-o‘rinda bormoqda.
