“Манчестер Юнайтед” ва Дания терма жамоаси ҳимоячиси Патрик Доргу Миллатлар лигаси 1/4 финали жавоб ўйинида Португалиядан учралган мағлубиятдан сўнг (2:5) португалияликлар сардори Криштиану Роналдуга қўполлик қилмаганини айтди.

Учрашув бошида 40 ёшли форвард Дания жарима майдончаси ичида Доргу билан тўқнашгандан кейин пеналти ишлаб олди.

"Криштиану Роналду ақлли футболчи, пеналти ишлашни билади. Мен уни қаттиқ ушлаганимни ҳис қилмадим. Ўйлайманки, бу ўйинда футболчилар ўртасида кўп алоқага эга вазиятлар бўлди. Мен шунчаки қўлимни қўлига қўйдим, у майдонга йиқилди. У шу дақиқада ажойиб ўйнади.

Албатта, бу мени бироз безовта қилади. Лекин ўйлайманки, ўйин давом этар экан, яхши муносабатда бўлдим. Бундай пенальти ўйинимга таъсир қилиши мумкин эмас. Лекин мен эҳтиёткорроқ бўлишим ва бундан сабоқ олишим керак", — деди Доргу.

Умумий ҳисобда Португалия Миллатлар лигасининг нимчорак финалига чиқди ва у ерда Германияга қарши баҳс олиб боради.