Мадриднинг “Реал” клуби бошқарувчиси Карло Анчелотти яна Бразилия терма жамоаси бош мураббийи этиб тайинланиши мумкин. "Пентакампеонлар", юмшоқ қилиб айтганда, оғир кунларни бошдан кечирмоқда.

Доривал Жуниор жамоаси ЖЧ-2026 саралаш босқичида ниҳоятда беқарор ўйнаяпти. 14-тур учрашувида бразилияликлар Аргентинага йирик ҳисобда мағлуб бўлишди (1:4), шундан сўнг ОАВда яна машҳур хорижлик мураббий тайинланиши ҳақидаги гаплар кенг тарқалди.

Geglobo хабарига кўра, Карло Анчелотти яна асосий номзодлардан бири ҳисобланади. Манбанинг таъкидлашича, италиялик мутахассис аллақачон ўзининг яқин атрофидагиларга ушбу вариантни кўриб чиқишга тайёрлигини маълум қилган.

Карло Анчелоттининг "Реал" билан амалдаги шартномаси 2026 йилнинг ёзига қадар мўлжалланган.