"Барселона" бош мураббийи Ханс-Дитер Флик жамоа ҳимоячиси Жюль Кунденинг "Райо Вальекано"га қарши ўйин олдидан йиғинга кечикиб келганига кескин муносабат билдирди. Бу ҳақда Mundo Deportivo нашри хабар бермоқда.
Манбага кўра, Флик жуда ғазабланган ва Кундени жамоадошлари олдида сўккан. Гап шундаки, бу французнинг мавсумдаги учинчи кечикиши бўлди.
Маълумки, германиялик мураббий интизомга қаттиқ амал қилади. Аввалроқ, Фликнинг дарвозабон Иньяки Пенья билан муносабатлари бузилганди, у мунтазам кечикишлар туфайли таркибдан тушиб қолганди.
Жорий мавсумда Кунде барча мусобақаларда 43 та ўйинда майдонга тушиб, 3 та гол урди ва 8 та голга ассистентлик қилди.
