"Комо"нинг икки футболчиси "Transfermarkt" порталида нархларнинг навбатдаги янгиланиши натижасида Италия А Сериясида нархи энг кўп ўсган ўйинчиси бўлди.
Шу тариқа, "Комо" ҳужумкор футболчиси Ассане Диао рейтингда биринчи ўринни эгаллади. 19 ёшли вингер 16 млн еврога қимматлашди ва энди 25 млн. Унинг жамоадоши, 20 ёшли ярим ҳимоячи Николас Пас 15 млн еврога қимматлашди, энди унинг нархи 35 млн.
Учинчи ўринни бир вақтнинг ўзида бир нечта ўйинчилар бўлишиб олди. Улар "Фиорентина" вакили Мойзе Кин, "бинафшаранглилар" ҳимоячиси Пьетро Комуццо, "Аталанта" форварди Матео Ретеги ва "Болонья" ҳужумчиси Сантьяго Кастро. Уларнинг ҳар бири 10 млн еврога қимматлашган.
