Мюнхеннинг "Бавария" клуби юлдуз футболчиси Альфонсо Дэвис тиззасининг хочсимон пайлари шикастлангани сабабли жарроҳлик амалиётини муваффақиятли ўтказди. Бу ҳақда Bayern & Germany аккаунти хабар бермоқда.
Жароҳат туфайли канадалик ҳимоячи жорий мавсумнинг қолган қисмини ўтказиб юборади. Эслатиб ўтамиз, футболчи Канада терма жамоаси сафида жароҳат олган эди.
Жорий мавсумда Альфонсо Мюнхен грандининг 31 та ўйинида иштирок этди. Ҳимоячи учта гол урди ва учта голли узатмани амалга оширди. 24 ёшли футболчининг "Бавария" билан шартномаси 2030 йилнинг ёзига қадар мўлжалланган бўлиб, унинг трансфер нархи 50 миллион еврога баҳоланмоқда.
