"Байер" бош мураббийи Хаби Алонсо клубдаги келажаги ҳақида гапирди.
"Мен ҳали ҳеч нарсага қарор қилганим йўқ. Ҳозир келажагим ҳақида айтадиган гапим йўқ. Вазият бутунлай бошқача. Бир йил олдин муҳим қарор қабул қилишим керак эди, аммо ҳозир ундай нарса йўқ. Айни дамда бутун эътиборимни жамоам билан жорий мавсумга қаратганман", - деди испаниялик.
43 ёшли Хаби Алонсонинг "Байер" билан амалдаги шартномаси 2026 йилнинг ёзига қадар амал қилади.
Бундеслиганинг 26-туридан сўнг унинг жамоаси 56 очко билан “Бавария”дан 6 очко ортда қолиб, иккинчи ўринда бормоқда.
