Бразилиялик вингер Антони 2022 йилда катта умидлар билан «Манчестер Юнайтед»га қўшилган эди, аммо охир-оқибат клубни тарк этишга мажбур бўлди ва январь ойидан бери Испаниянинг «Бетис» жамоасида ўйнамоқда.
У ушбу клубни танлаганидан жуда хурсанд, янги жамоаси учун тўртта гол урган. Антони нима учун “Бетис”ни танлаганини тушунтирди.
"Мен ўзимга бўлган ишончни тиклашим, бахтли бўлишим керак эди ва энди ҳар куни ўзим қилган тўғри танлов нималарга олиб келиши мумкинлиги ҳақида ўйлайман.
Менга бу ерда ҳамма нарса ёқади, менга шаҳар, клуб ва ҳамма нарса манзур келган", - дея Антонининг сўзларини келтиради DAZN.
