Braziliyalik vinger Antoni 2022 yilda katta umidlar bilan «Manchester Yunayted»ga qo‘shilgan edi, ammo oxir-oqibat klubni tark etishga majbur bo‘ldi va yanvar oyidan beri Ispaniyaning «Betis» jamoasida o‘ynamoqda.
U ushbu klubni tanlaganidan juda xursand, yangi jamoasi uchun to‘rtta gol urgan. Antoni nima uchun “Betis”ni tanlaganini tushuntirdi.
"Men o‘zimga bo‘lgan ishonchni tiklashim, baxtli bo‘lishim kerak edi va endi har kuni o‘zim qilgan to‘g‘ri tanlov nimalarga olib kelishi mumkinligi haqida o‘ylayman.
Menga bu yerda hamma narsa yoqadi, menga shahar, klub va hamma narsa manzur kelgan", - deya Antonining so‘zlarini keltiradi DAZN.
