"Барселона" марказий ярим ҳимоячиси Гави жамоани тарк этиш ниятида эмас, деб ёзади ElNacional.cat.
"ПСЖ" бош мураббийи Луис Энрике ва парижликлар форварди Усмон Дембеле испанияликни клубга трансферга кўндирмоқчи, аммо Гави Каталонияда қолмоқчи.
"Барселона" раҳбарияти футболчи билан боғлиқ вазиятдан хавотирда эди, аммо президент Жоан Лапорта билан юзма-юз суҳбатдан сўнг Гави жамоадан кетиш вариантини кўриб чиқмаслигига ишонтирди.
Гави "Бетис"нинг тарбияланувчиси бўлиб, 2015 йилнинг июлидан бери "Барселона" таркибида. Ушбу мавсумда ярим ҳимоячи клуб миқёсида 26 та ўйинда 2 та гол урди ва 3 та голли узатмани амалга оширди.
