Карло Анчелотти солиқ тўлашдан бўйин товлагани учун суд жараёни ҳақида гапирди.
Аввалроқ Мадрид прокуратураси "Реал" бош мураббийини фирибгарликда айблаб, 4 йил 9 ой қамоқ жазосини сўрагани хабар қилинганди. Прокурорларга кўра, Анчелотти ўзининг солиқ декларациясида фақат "Реал Мадрид"дан олган шахсий тўловини эълон қилган, аммо у бошқа ташкилотларга ўтказиб юборилгани айтилаётган имидж ҳуқуқидан фойдаланганликдан тушган даромадни эмас.
Иш 2 апрель куни Мадрид судида кўриб чиқилади.
"Кун тартибида муҳокама қилинадиган кўплаб мавзулар бор. Мен бориб баёнот беришим керак, буни чоршанба куни қиламан. Лекин бу ер буни муҳокама қиладиган жой эмас. Прокуратура томонидан берилган апелляция кейинги ҳафтада кўриб чиқилади. Мен биринчи ишда ғалаба қозонганман ва қонун ва суд тизимига тўлиқ ишонаман. Хавотирланмайман. Агар фирибгарлик қилишди дейишса, ҳафсалам пир бўлади, лекин гувоҳлик беришга тайёрман", - деди “Реал” бош мураббийи.
