"Челси" бош мураббийи Энцо Мареска спаррингда U-21 ёшлар жамоасига ютқазиб қўйгач (0:3), асосий таркиб учун дам олиш кунини бекор қилди, деб хабар бермоқда The Athletic.
Италиялик мутахассис 27 март куни футболчиларга дам беришни режалаштирган эди, чунки "Тоттенхэм"га қарши навбатдаги ўйин 3 апрелга режалаштирилган эди, аммо ёшлар жамоасига шармандали мағлубиятдан кейин ўз қарорини ўзгартирди.
Манбага кўра, жамоани тўлдириш учун ёшлар таркибида U-16 футболчилари ҳам ўйнаган.
Ҳозирда лондонликлар пешқадам "Ливерпуль"дан 21 очко ортда қолиб, турнир жадвалида тўртинчи ўринда бормоқда.
